Իրանը հայտարարել է, որ «ոչ թշնամական» նավերը կարող են անցնել Հորմուզի նեղուցով՝ Իրանի իշխանությունների հետ համաձայնեցմամբ։ Այս մասին հայտնում է Financial Times-ը։
Ըստ աղբյուրի՝ Իրանի արտաքին գործերի նախարարությունը նամակ է ուղարկել Միջազգային ծովային կազմակերպության (IMO) անդամ երկրներին՝ նշելով, որ Թեհրանը «անհրաժեշտ և համաչափ միջոցներ» է ձեռնարկել՝ կանխելու համար նեղուցի օգտագործումը Իրանի դեմ թշնամական գործողությունների նպատակով։
«Հորմուզի նեղուցը, որը համարվում է համաշխարհային էներգետիկ փոխադրումների առանցքային ուղի, փաստացի փակ է մնացել նավերի մեծ մասի համար պատերազմից հետո, որը սկսվել է փետրվարի 28-ին։ Մինչ այդ նեղուցով անցնում էր աշխարհի նավթի շուրջ 20%-ը, ինչպես նաև Պարսից ծոցի երկրների բեռնափոխադրումների մեծ մասը։ Ներկայում մոտ 3200 նավ մնացել է Պարսից ծոցում՝ խուսափելով նեղուցով անցնելու ռիսկերից»,-գրում է թերթը։
Հետևեք մեզ տելեգրամում
