Ուրուգվայում հանդիսավոր կերպով իր դռներն է բացել ստեղծարար տեխնոլոգիաների կրթական TUMO կենտրոնը։Այդ մասին հայտնում են Ուրուգվայում Հայաստանի Հանրապետության դեսպանությունից։ Նախաձեռնության շնորհիվ ավելի քան 5000 դիմորդներից ընտրված 1000 ուսանող հնարավորություն կունենա սովորելու «Թումո»-ում՝ ութ տեխնոլոգիական ուղղություններով՝ 3D մոդելավորումից մինչև գեներատիվ արհեստական բանականություն։
Բացման արարողությանը մասնակցել են երկրի բարձրաստիճան պաշտոնյաներ, այդ թվում՝ Ուրուգվայի նախագահ Խամանդու Օրսին, ազգային պաշտպանության նախարար Սանդրա Լասոն, կրթության և մշակույթի նախարար Խոսե Կառլոս Մայան, զբոսաշրջության նախարար Պաբլո Մենոնին, Հանրային կրթության ազգային վարչության նախագահ Պաբլո Կաչիանը, «Corporación América Airports»-ի գլխավոր տնօրեն Մարտին Էուռնեկյանը և այլք։
TUMO կենտրոնը գտնվում է Կարրասկոյի միջազգային օդանավակայանի տարածքում՝ Ուրուգվայի մայրաքաղաք Մոնտեվիդեոյի մոտ։
Հետևեք մեզ տելեգրամում
