Գեներալ-մայոր Ռոման Գոֆմանը նշանակվել է Իսրայելի արտաքին հետախուզական ծառայության՝ Մոսադի նոր ղեկավար։ Այս մասին հայտնել է «The Times of Israel»-ը։
Գոֆմանը համարվում է վարչապետ Բենյամին Նեթանյահուի մտերիմը և վերջին երկու տարիներին զբաղեցրել է նրա ռազմական քարտուղարի պաշտոնը։ Նա փոխարինելու է գործող ղեկավար Դավիդ Բարնեային, որի պաշտոնավարման ժամկետը ավարտվում է հունիսին։
Նեթանյահուի գրասենյակի հայտարարության համաձայն՝ Գոֆմանի հնգամյա պաշտոնավարումը կմեկնարկի հունիսի 2-ից։ Նրա նշանակումն ուժի մեջ է մտել այն բանից հետո, երբ բարձրաստիճան նշանակումների խորհրդատվական հանձնաժողովը տվել է դրական եզրակացություն։
Հետևեք մեզ տելեգրամում
