Թեհրանն այս պահին բանակցությունների հաջորդ փուլի վերաբերյալ որևէ որոշում չունի, «քանի որ Վաշինգտոնի գործողությունները կտրուկ հակասում են դիվանագիտության մասին նրանց հայտարարություններին»։ Այս մասին հայտարարել է Իրանի ԱԳՆ խոսնակ Էսմայիլ Բաղաեին: Նա ընդգծել է, որ Իրանը գործ ունի հակասական իրականության հետ, որտեղ ԱՄՆ-ն խոսում է երկխոսության մասին, սակայն նրա վարքագիծը որևէ կերպ չի մատնանշում այդ գործընթացին հետամուտ լինելու լրջությունը։
ԱԳՆ ներկայացուցիչը ընդգծել է, որ հրադադարի հաստատման հենց սկզբից Իրանը բախվել է ամերիկյան կողմի «սադրանքներին»։ Որպես օրինակ նա մատնանշել է Հորմուզի նեղուցում տեղի ունեցած վերջին միջադեպը՝ հայտնելով, որ ժամեր առաջ տեղի է ունեցել հարձակում իրանական նավի վրա, ինչը հրադադարի պայմանների ուղղակի խախտում է։ Ըստ պաշտոնյայի՝ նման գործողությունները խորացնում են Թեհրանի բացասական կանխավարկածը ողջ գործընթացի նկատմամբ։
Հիշեցնենք, որ Իրան-ԱՄՆ բանակցությունների առաջին փուլն անցկացվել էր ապրիլի 11-ին:
Հետևեք մեզ տելեգրամում
