Իսրայելի պաշտպանության բանակը ոչնչացրել է «Հեզբոլլահի» ավելի քան 1000 ռազմական օբյեկտ հարավային Լիբանանում՝ հայտնաբերելով մեծ քանակությամբ զենք, որը, ըստ բանակի արած հայտարարության, խմբավորումը նախատեսում էր օգտագործել Իսրայելի դեմ հարձակումների համար։ Այս մասին հայտնել է «The Jerusalem Post»-ը։
Իսրայելի բանակի 91-րդ դիվիզիայի կազմում գործող զինվորները վնասազերծել են այդ օբյեկտները, որոնց թվում եղել են ականապատված շինություններ և շենքեր, որտեղ պահվում էին ռազմական զենքեր։ Խուզարկությունների ընթացքում հայտնաբերվել են «Հեզբոլլահին» պատկանող հարյուրավոր գնդացիրներ, «Կալաշնիկով» ինքնաձիգներ, նռնակներ, ականներ, ատրճանակներ, հակատանկային հրթիռներ, ռեակտիվ նռնականետեր, ականանետային արկեր և այլ զինամթերք։
Հիշեցնենք, որ «Հեզբոլլահ»-ի և Իսրայելի միջև հրադադարը ուժի մեջ է մտել ապրիլի 17-ին, սակայն կողմերը շարունակում են փոխադարձ մեղադրանքներ հնչեցնել հրադադարի խախտման վերաբերյալ՝ միաժամանակ սրելով ռազմական գործողությունները։ Իսրայելի պաշտպանության բանակի տվյալներով՝ հրադադարի հաստատումից ի վեր ոչնչացվել է առնվազն 40 «Հեզբոլլահի» մարտիկ, որոնց մեծ մասը՝ հարավային Լիբանանում։
Հետևեք մեզ տելեգրամում
