Թուրքիայի փոխնախագահ Ջևդեթ Յըլմազը կայցելի Հայաստան՝ մասնակցելու Եվրոպական քաղաքական համայնքի 8-րդ գագաթնաժողովին։ Այս մասին հայտնել են թուրքական ԶԼՄ-ները։
Թուրքիայի փոխնախագահի՝ Երևան կատարելիք այցը կլինի առաջինը՝ այս մակարդակով։
Հիշեցնենք, որ Եվրոպական քաղաքական համայնքի 8-րդ գագաթնաժողովը տեղի կունենա մայիսի 4-ին «Կառուցելով ապագան. միասնություն և կայունություն Եվրոպայում» թեմայով․ միջոցառմանը հրավիրված են ԵՄ անդամ 27 երկիր, ինչպես նաև գործընկեր պետությունները։
Երևանում քննարկումները կկենտրոնանան ժողովրդավարության դիմադրողականության ամրապնդման, հաղորդակցությունների զարգացման և տնտեսական ու էներգետիկ անվտանգության ամրապնդման վրա։ Մասնակիցները կքննարկեն՝ ինչպես կարող են ավելի սերտ համագործակցելով և համակարգված գործողություններով նպաստել ավելի դիմացկուն, անվտանգ և միասնական եվրոպական տարածքի ստեղծմանը։
Հետևեք մեզ տելեգրամում
