ԱՄՆ նախագահ Դոնալդ Թրամփը հայտարարել է, որ Միացյալ Նահանգների և Իսրայելի ռազմական գործողությունների ավարտից հետո Իրանին կպահանջվի առնվազն 20 տարի երկիրը վերականգնելու համար, և այն «այլևս երբեք նույնը չի լինի»։ Փոխանցում է ТАСС-ը։
Լրագրողների հետ զրույցում Սպիտակ տան ղեկավարը միաժամանակ խուսափել է հստակեցնել՝ արդյոք Հորմուզի նեղուցում տեղի ունեցած միջադեպերից և ԱՄԷ-ի հրթիռակոծությունից հետո Իրանի հետ հրադադարի ռեժիմը մնում է ուժի մեջ, և թե արդյոք ԱՄՆ-ն պատրաստվում է նոր հարվածներ հասցնել Իրանին։
«Ես չեմ կարող ձեզ դա ասել: Եթե ես պատասխանեի այդ հարցին, դուք կասեիք, որ ես բավականաչափ խելացի չեմ Միացյալ Նահանգները ղեկավարելու համար»,- հայտարարել է Թրամփը։
Հիշեցնենք, որ ավելի վաղ ԱՄԷ-ն հայտնել էր Իրանի կողմից հրթիռակոծության ենթարկվելու մասին։ Թեհրանն իր հերթին հայտնել էր, որ ԱՄՆ-ն Հորմուզի նեղուցում դեպի Իրան ուղևորվող երկու բեռնատար նավի վրա է հարձակվել։
Հետևեք մեզ տելեգրամում
