ՌԴ-ից Ադրբեջանի տարածքով առաջին անգամ ալյումին է տեղափոխվել Հայաստան

Ռուսաստանից Ադրբեջանի տարածքով հերթական տրանզիտային մատակարարումն է իրականացվել դեպի Հայաստան. տեղափոխվել է 700 տոննա ցորեն և 133 տոննա ալյումին։ Այս մասին հայտնում է «Արմենպրեսը»՝ հղում անելով ադրբեջանական ԶԼՄ-ներին:

Ըստ լրատվամիջոցի՝ առաջին անգամն է, որ Ադրբեջանի տարածքով Հայաստան ալյումին է տեղափոխվել։

Այս պահի դրությամբ ՌԴ-ից Ադրբեջանի տարածքով Հայաստան է ուղարկվել ընդհանուր առմամբ 26 հազար տոննա ցորեն, ավելի քան 3800 տոննա պարարտանյութ և 68 տոննա հնդկաձավար։