Իսպանիայի արտաքին գործերի նախարար Խոսե Մանուել Ալբարեսը հայտարարել է, որ Միացյալ Նահանգների ներգրավվածությունը մերձավորարևելյան հակամարտության մեջ լավագույն պահն է, որպեսզի Եվրոպան դրսևորի իր սուվերենությունը և ստեղծի սեփական միասնական բանակը։
Politico պարբերականին տված հարցազրույցում Ալբարեսն ընդգծել է եվրոպական պաշտպանական ինքնուրույնության անհրաժեշտությունը։ «Մենք պետք է ազատ լինենք կախվածությունից։ Մեզ անհրաժեշտ է բանակ՝ ընդհանուր պաշտպանական ներուժ»,- նշել է նախարարը։
Ալբարեսը պարզաբանել է, որ ԵՄ բանակի ստեղծումը չի նշանակում հրաժարում ՆԱՏՕ-ից: «Եթե ՆԱՏՕ-ն այլևս չի ապահովում այն անվտանգությունը, որը կար նախկինում, ապա մենք՝ որպես եվրոպացիներ, պետք է ավելին անենք», – ընդգծել է նախարարը։
Հետևեք մեզ տելեգրամում
