Իրանի արտաքին գործերի նախարար Աբբաս Արաղչին Նյու Դելիում մասնակցում է ԲՐԻԿՍ-ի արտաքին գործերի նախարարների հանդիպմանը։ Այցի ընթացքում նա հանդիպել է Հնդկաստանի վարչապետ Նարենդրա Մոդիի հետ։ «Tasnim» գործակալության փոխանցմամբ՝ հանդիպման ընթացքում Արաղչին անդրադարձել է Թեհրանի և Նյու Դելիի միջև պատմական և բարեկամական հարաբերություններին, ինչպես նաև ներկայացրել Իրանի դեմ ամերիկա-իսրայելական պատերազմի և դրա հետևանքների վերաբերյալ վերջին զարգացումները։
Իր հերթին Մոդին ընդգծել է երկկողմ հարաբերությունների պահպանման, ինչպես նաև տարածաշրջանային կայունության և անվտանգության կարևորությունը։ Նա հայտարարել է նաև տարածաշրջանում անվտանգության հաստատմանը նպաստելու Հնդկաստանի պատրաստակամության մասին։
Հետևեք մեզ տելեգրամում
