Եվրոպայի Խորհրդի անդամ երկրների շարքում 100 հազար բնակչի հաշվով բանտարկյալների թվով առաջին տեղում Թուրքիան է, երկրորդում՝ Ադրբեջանը։ Իսկ Վրաստանը զբաղեցնում է 4-րդ տեղը։ Այս մասին նշվում է Եվրոպայի խորհրդի «Բանտերն ու բանտարկյալները Եվրոպայում» տարեկան զեկույցում։
Փաստաթղթի համաձայն՝ բանտարկյալների ամենաբարձր ցուցանիշները արձանագրվում են Արևելյան Եվրոպայում և Կովկասում։ Զեկույցում նշվում է, որ այս տարածաշրջաններում հաճախ առաջնահերթություն է տրվում ազատազրկման ձևով պատժին։
Զեկույցի համաձայն՝ Թուրքիան ունի ամենաբարձր ցուցանիշը՝ 100 հազար բնակչի հաշվով 458 բանտարկյալ։ Նրան հաջորդում են Ադրբեջանը՝ 271, Մոլդովան՝ 245, և Վրաստանը՝ 232 բանտարկյալ։
Նշենք, որ ըստ զեկույցի Հայաստանը Կովկասում ունի ամենացածր ցուցանիշը՝ 100000 շնչին 90 բանտարկյալ հաշվարկով։
Հետևեք մեզ տելեգրամում
