Ադրբեջանի ԱԳ նախարար Ջեյհուն Բայրամովը հանդիպել է ՄԱԿ-ի գլխավոր քարտուղար Անտոնիո Գուտերեշի հետ՝ ՄԱԿ-ի Անվտանգության խորհրդում «Միջազգային խաղաղության և անվտանգության պահպանում» թեմայով քննարկմանը մասնակցության շրջանակում։ Այս մասին հայտնել են ադրբեջանական ԶԼՄ-ները։
Հանդիպման ընթացքում քննարկվել են Հայաստան-Ադրբեջան կարգավորման գործընթացը, ինչպես նաև տարածաշրջանում ստեղծված իրավիճակը։
Ադրբեջանական կողմի հաղորդմամբ՝ ՄԱԿ-ի գլխավոր քարտուղարին մանրամասն տեղեկատվություն է տրամադրվել «Ադրբեջանի և Հայաստանի միջև վստահության ամրապնդման միջոցառումների» վերաբերյալ։
Հետևեք մեզ տելեգրամում
