Ուկրաինայի նախագահ Վոլոդիմիր Զելենսկին բաց նամակ է ուղարկել Ռուսաստանի նախագահ Վլադիմիր Պուտինին` առաջարկելով հանդիպել և համաձայնության գալ ավելի քան չորս տարի տևող պատերազմի դադարեցման շուրջ, միևնույն ժամանակ զգուշացնելով, որ հակառակ դեպքում Կիևը պատրաստ է շարունակել պայքարը։ Այս մասին հայտնում է Reuters-ը:
Նամակում, որն ուղարկվել է նաև այլ երկրներ, այդ թվում՝ ԱՄՆ, Զելենսկին նշել է, որ քանի որ Միացյալ Նահանգներն այժմ կենտրոնացած է Իրանի հակամարտության վրա, «սխալ կլիներ պարզապես սպասել, մինչև Եվրոպայում պատերազմը նորից կվերադառնա նրանց ուշադրության կենտրոն»։
Զելենսկին ընդգծել է, որ Ուկրաինան առաջարկում է պատերազմն ավարտել երկու առաջնորդների ուղիղ երկխոսության միջոցով: «Եթե դուք անձամբ չգաք այն եզրակացության, որ ժամանակն է ավարտել այս պատերազմը, Ուկրաինան կշարունակի պայքարել իր գոյության համար»,- նշել է Ուկրաինայի նախագահը։
Նա նաև առաջարկել է հստակ ամսաթիվ սահմանել և որպես հանդիպման հնարավոր վայրեր նշել Շվեյցարիան, Թուրքիան կամ արաբական աշխարհի երկրները, որոնք ավանդաբար հյուրընկալում են առաջնորդներին պատերազմի ու խաղաղության հարցեր լուծելու համար։
Կրեմլից հայտարարել են, որ նամակի մասին կզեկուցեն ՌԴ նախագահին:
Հետևեք մեզ տելեգրամում
