Իրանի արտգործնախարար Աբբաս Արաղչին հեռախոսազրույց է ունեցել Ադրբեջանի պաշտոնակից Ջեյհուն Բայրամովի հետ։ Այս մասին հայտնում են իրանական ու ադրբեջանական ԶԼՄ-ները:
Նախարարները քննարկել են երկկողմ հարաբերությունների ներկա վիճակն ու հեռանկարները, ինչպես նաև տարածաշրջանային անվտանգությանն առնչվող հարցեր։ Զրույցի ընթացքում անդրադարձ է կատարվել Արևմտյան Ասիայի տարածաշրջանում լարվածության նվազեցմանն ուղղված ջանքերին ու նախաձեռնություններին։
Աբբաս Արաղչին ադրբեջանական կողմին մանրամասն տեղեկություններ է փոխանցել Իրանի շուրջ ընթացող բանակցային գործընթացի և վերջին զարգացումների վերաբերյալ։








