Ազովի ծովում բեռնատար նավերի վրա անօդաչու թռչող սարքերի հարձակման հետևանքով Ադրբեջանի հինգ քաղաքացի է մահացել, ևս երեքը ստացել են տարբեր աստիճանի վնասվածքներ: Այս մասին հայտնել են Ադրբեջանի ԱԳՆ-ից:
Միջադեպը տեղի է ունեցել հունիսի 5-ի գիշերը: Օտարերկրյա դրոշի տակ երթևեկող «Նատրա» և «Ցիրկոն» բեռնատար նավերը Թուրքիայից ուղևորվել են Դոնի Ռոստով՝ հացահատիկ բարձելու համար: Ընդհանուր առմամբ, նավերում եղել է Ադրբեջանի 25 քաղաքացի:
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ նավերը ենթարկվել են ուկրաինական անօդաչուների հարձակմանը:
Հետևեք մեզ տելեգրամում
