ԱՄՆ նախագահ Դոնալդ Թրամփը հայտարարել է, որ այս գիշեր Իրանին «շատ հուժկու» հարված կհասցնեն: Այս մասին նա գրել է Truth Social հարթակի իր էջում: Սպիտակ տան ղեկավարը պնդել է, որ իրանական ռազմական ներուժի զգալի մասն արդեն իսկ կազմաքանդված է:
«Միացյալ Նահանգները Իրանին (որի նավատորմը, ռազմաօդային ուժերը, ռադարները, հակաօդային պաշտպանությունը և պաշտպանության բոլոր մյուս ձևերը, իր հարձակողական կարողությունների մեծ մասի հետ միասին ոչնչացված են) այս գիշեր շատ հուժկու հարված կհասցնեն։ Մոտ ապագայում ինչ-որ պահի մենք կգրավենք Խարգ կղզին և նավթային ենթակառուցվածքի մյուս կետերը՝ լիակատար վերահսկողություն հաստատելով նրանց նավթի ու գազի շուկաների նկատմամբ»,-գրել է Թրամփը։
ԱՄՆ նախագահն իր այս մտադրությունը համեմատել է Վենեսուելայի նկատմամբ Վաշինգտոնի կիրառած քաղաքականության հետ՝ հավելելով, որ այդ մոդելը փայլուն կերպով աշխատում է ինչպես Վենեսուելայի, այնպես էլ Միացյալ Նահանգների համար։
Ավելի վաղ Իրանն ու ԱՄՆ-ն հերթական փոխադարձ հարվածներն էին հասցրել միմյանց:
Հետևեք մեզ տելեգրամում
