Պատերազմի մեկնարկից ի վեր ամերիկա-իսրայելական հարվածների հետևանքով Իրանի տարածքում վնասվել է ավելի քան 50 ռազմաբազա, ներառյալ՝ Իսլամական հեղափոխության պահապանների կորպուսի (ԻՀՊԿ) գլխավոր շտաբը։ Այս մասին հայտնում է BBC լրատվական գործակալության հետաքննական բաժինը՝ BBC Verify-ը:
Արբանյակային լուսանկարների ուսումնասիրության հիման վրա լրատվամիջոցը հայտնում է, որ հարվածների են ենթարկվել ավելի քան մեկ տասնյակ ավիաբազաներ և թռիչքուղիներ, ինչն ապահովել է ԱՄՆ լիակատար վերահսկողությունը իրանական օդային տարածքի նկատմամբ
BBC Verify-ը նշում է, որ չնայած ԱՄՆ նախագահ Դոնալդ Թրամփը հայտարարել էր, թե Իրանի նավատորմն ու ռազմաօդային ուժերը «100 տոկոսով ոչնչացված են», արբանյակային տվյալները ցույց են տալիս, որ Թեհրանն օգտագործում է հրադադարի ռեժիմը՝ հիմնական հրթիռային հանգույցների ստորգետնյա թունելների մուտքերը վերականգնելու համար։
Ըստ լրատվամիջոցի՝ պատերազմի ընթացքում դժվար է եղել որոշել իրանական ռազմաբազաներին հասցված վնասի մասշտաբը, քանի որ ԱՄՆ-ն ձգտել է սահմանափակել տարածաշրջանի արբանյակային ծածկույթը։
Հիշեցնենք, որ BBC Verify-ի նախորդ հետաքննությունը պարզել էր, որ պատերազմի ընթացքում իրանական հարվածներից վնասվել է առնվազն 20 ամերիկյան ռազմական օբյեկտ տարածաշրջանի ութ երկրներում:
Հետևեք մեզ տելեգրամում
