Ադրբեջանը հայտնել է, որ 2020 թվականի նոյեմբերից ի վեր Հայաստանին է փոխանցել մարտադաշտում հայտնաբերված ավելի քան 2,000 հայ զինծառայողների աճյուններ։
Այս մասին հայտարարել է Ադրբեջանի արտաքին գործերի փոխնախարար Էլնուր Մամեդովը՝ Բաքվում կայացած «Անհայտ կորած անձանց խնդրի լուծման ժամանակակից մոտեցումները և համագործակցության ամրապնդումը» միջազգային համաժողովի ընթացքում։ Մամեդովը նշել է, որ անհայտ կորածների խնդրի կարգավորումը հետպատերազմյան գործընթացի կարևոր ուղղություններից մեկն է և կարող է նպաստել տարածաշրջանում երկարաժամկետ կայունության հաստատմանը։
Ադրբեջանական կողմի տվյալները ներկայացվել են որպես պաշտոնական հայտարարություն, սակայն դրանց վերաբերյալ Հայաստանի կողմից արձագանք այս պահին դեռ չկա։
Հետևեք մեզ տելեգրամում
