Վենեսուելայում հունիսի 24-ին տեղի ունեցած ավերիչ երկրաշարժից հետո փրկվել է ավելի քան 6000 մարդ, և տասնյակ հազարավոր ընտանիքներ օգնություն են ստացել: «Tass»-ի փոխանցմամբ՝ այդ մասին «Venezolana de Television» հեռուստաալիքի եթերում հայտարարել է Վենեսուելայի Ազգային ժողովի նախագահ Խորխե Ռոդրիգեսը։
«Փրկվել է 6461 մարդ, և օգնություն է ցուցաբերվել 80870 ընտանիքի»,- հայտնել է Ռոդրիգեսը: Նա նշել է, որ երկրաշարժի 28380 տուժածներ բժշկական օգնություն են ստանում հիվանդանոցներում և դաշտային ճամբարներում։
Նա ասել է, որ աղետի հետևանքների վերացմանը օգնում են ավելի քան 26000 զինծառայողներ և 15467 կամավորներ, ինչպես նաև արտասահմանյան երկրներից 3660 փրկարարներ։
Վերջին պաշտոնական տվյալների համաձայն՝ Վենեսուելայում տեղի ունեցած 7.2 և 7.5 մագնիտուդ ուժգնությամբ երկու երկրաշարժերի հետևանքով զոհվել է 1943 մարդ, վիրավորվել՝ 10571-ը։
Հետևեք մեզ տելեգրամում
