Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Եվրամիությունը առաջիկա օրերին կփորձի վերջնականացնել Ռուսաստանի դեմ պատժամիջոցների 21-րդ փաթեթը՝ Ուկրաինայի վրա իրականացված զանգվածային հարձակումից հետո։ Նրա խոսքով՝ վերջին հարձակումը, որի ընթացքում Կիևի վրա կիրառվել են տասնյակ հրթիռներ և անօդաչու սարքեր, «Ռուսաստանի կողմից քաղաքացիական բնակչության դեմ շարունակվող ագրեսիայի ցուցիչ է»։
Ֆոն դեր Լայենը նշել է, որ ԵՄ-ն շարունակելու է ճնշումը Մոսկվայի նկատմամբ՝ մինչև պատերազմը չդադարեցվի, և հավելել է, որ Ուկրաինային անհրաժեշտ է լրացուցիչ հակաօդային պաշտպանություն։ Նա նաև հայտնել է, որ այս շաբաթ Ուկրաինայի անվտանգության և հակաօդային պաշտպանության հարցերը կքննարկվեն ՆԱՏՕ-ի գագաթնաժողովի ընթացքում, որը տեղի կունենա Թուրքիայում։
Եվրահանձնաժողովի նախագահը հիշեցրել է, որ ԵՄ-ն արդեն փոխանցել է Ուկրաինայի պաշտպանական կարողությունների և ռազմական աջակցության համար նախատեսված լայնածավալ ֆինանսական ծրագրի առաջին 4 միլիարդ եվրոն։
Հետևեք մեզ տելեգրամում
