ՄԱԿ-ի Մարդու իրավունքների գերագույն հանձնակատարի գրասենյակը հայտարարել է, որ Ռուսաստանում «Wildberries»-ի պահեստների վրա ուկրաինական զինված ուժերի հարվածները կարող են ռազմական հանցագործություն համարվել։ ՄԱԿ-ը կոչ է արել հետաքննել այն բոլոր հարձակումները, որոնց հետևանքով խաղաղ բնակիչներ են զոհվել կամ վիրավորվել, հայտնում է «РИА НОВОСТИ»-ն։
ՄԱԿ-ի Մարդու իրավունքների գերագույն հանձնակատարի գրասենյակի ներկայացուցիչ Թամին Ալ-Քիթանը նշել է, որ միջազգային մարդասիրական իրավունքի համաձայն՝ քաղաքացիական անձանց և քաղաքացիական ենթակառուցվածքների վրա դիտավորյալ հարձակումները համարվում են ռազմական հանցագործություն։ Միևնույն ժամանակ, նա ընդգծել է, որ ՄԱԿ-ը չի կարող ինքնուրույն ստուգել հարվածների մասին տեղեկությունները և հաստատել՝ արդյոք դրանք դիտավորյալ են եղել։
Հիշեցնենք, որ հուլիսի 18-ին Ռուսաստանի Տամբովի մարզի Կոտովսկ քաղաքում ուկրաինական անօդաչու թռչող սարքը հարվածել էր «Wildberries»-ի լոգիստիկ կենտրոնին։ Ռուսաստանի իշխանությունների տվյալներով՝ զոհվել էր 7 մարդ, ևս 25-ը՝ վիրավորվել։ Նույն օրը Մոսկվայի մարզի նահանգապետ Անդրեյ Վորոբյովը հայտնել էր, որ անօդաչու թռչող սարք էր ընկել քաղաքում գտնվող «Wildberries»-ի պահեստի տարածքում։ Նրա տվյալներով՝ վիրավորվել էր 24 մարդ։ Ռուսաստանի քննչական կոմիտեն երկու դեպքերի առնչությամբ քրեական գործեր է հարուցել ահաբեկչության հոդվածով։
Հետևեք մեզ տելեգրամում
