Հայաստանի իններորդ գումարման Ազգային ժողովի նախագահ է ընտրվել Ռուբեն Ռուբինյանը: ԱԺ 105 պատգամավորներից քվեարկությանը մասնակցել է 91-ը։ Ռուբինյանի թեկնածությանը կողմ է քվեարկել 63 պատգամավոր, դեմ՝ 28-ը։ Այս մասին հայտնում է «Արմենպրես»-ը։
Նրա թեկնածությունն առաջադրել էր իշխող «Քաղաքացիական պայմանագիր» խմբակցությունը։ ԱԺ «Հայաստան» խմբակցության ղեկավար Աննա Գրիգորյանն ավելի վաղ հայտարարել էր, որ խմբակցությունը չի մասնակցելու ԱԺ նախագահի ընտրության փակ քվեարկությանը։ «Ուժեղ Հայաստան» խմբակցության ղեկավար Նարեկ Կարապետյանն էլ հայտնել էր, որ խմբակցությունը դեմ է քվեարկելու Ռուբինյանի թեկնածությանը։
Նշենք, որ հունիսի 7-ին Հայաստանում տեղի ունեցած խորհրդարանական ընտրություններից հետո ձևավորված Ազգային ժողովում ներկայացված են իշխող «Քաղաքացիական պայմանագիր» կուսակցությունը՝ 64 մանդատով, ինչպես նաև ընդդիմադիր «Ուժեղ Հայաստան» դաշինքը՝ 29, և «Հայաստան» դաշինքը՝ 12 մանդատով։
Հետևեք մեզ տելեգրամում
