Իրանի գերագույն առաջնորդի ռազմական հարցերով խորհրդական Մոհսեն Ռեզային հեռուստատեսային հարցազրույցի ընթացքում հայտարարել է, որ Իրանը պատրաստվում էր պատասխան հարվածներ հասցնել Ուկրաինային, սակայն գործողությունը կասեցվել է: Այս մասին հայտնում է իրանական Tasnim լրատվական գործակալությունը:
«Մենք պատրաստ էինք երեք կետով հարվածել Ուկրաինային, սակայն այն բանից հետո, երբ նրանք հայտարարեցին, թե սխալմամբ են հարվածել, մենք կանգնեցրինք պատասխան գործողությունը՝ նրանց պնդումն ուսումնասիրելու համար»,- հայտարարել է Ռեզային։
Միևնույն ժամանակ, ԻՀՊԿ նախկին հրամանատարը շեշտել է, որ միջադեպը փակված չէ, և ուկրաինական կողմը ցանկացած պարագայում պետք է հատուցի հասցրած վնասի համար։
Հիշեցնենք, որ ավելի վաղ Ուկրաինան Կասպից ծովում իրանական նավի էր հարվածել՝ պատճառաբանելով, որ այն զինամթերք էր մատակարարում ՌԴ-ին:
Հետևեք մեզ տելեգրամում
