Եգիպտոսի մուֆթիությունը (բարձրագույն իսլամական մարմինը-խմբ․) բացասական վերաբերմունք է արտահայտել Ստամբուլի Սուրբ Սոֆիա տաճարը մզկիթի վերածելու Թուրքիայի նախաձեռնությանը։
Եգիպտոսի մուֆթիության՝ Թուրքիայի նախագահ Ռեջեփ Թայիփ Էրդողանին քննադատող հայտարարությունը աղմուկ է բարձրացրել նաև այն պատճառով, որ Օսմանյան կայսրության կողմից Կոստանդնուպոլսի գրավումը դրանում բնութագրվել է որպես Ստամբուլի օկուպացիա։
«Սուրբ Սոֆիան կառուցվել է որպես եկեղեցի բյուզանդական ժամանակաշրջանում՝ մ․թ․ 537-թ․, և մնացել այդպիսին 916 տարի՝ մինչև օսմանները օկուպացերին Ստամբուլը 1453-ին՝ շենքը վերածելով մզկիթի», – հայտարարել է Եգիպտոսի Դար ալ-Իֆթա կրոնական հարցերով հիմնական կենտրոնը, որը ղեկավարում է Մեծ մուֆթիի Շավկի Ալամը։
Երկուշաբթի երեկոյան, սակայն, իսլամական մարմինը հրապարակել է ևս մեկ հայտարարություն, որում փոխվել էր «օկուպացիան» ու գրվել «իսլամական մեծ նվաճում»:
Հայտարարությամբ մարմինը մեղադրում է Էրդողանին կրոնը քաղաքականացնելու մեջ և ասվում, որ Սուրբ Սոֆիայի վերափոխումը մզկիթի օգտագործվում է որպես «զենք» իր «զինվորների» համար:
«Ստամբուլի նվաճողը օսմանյան սուլթան Մեհմեթ Ֆաթիհն է, այլ ոչ թե՝ Էրդողանը»,- նշվում է հայտարարության մեջ։
Նշենք, որ նախօրեին նաև ռուս Ուղղափառ եկեղեցին էր հանդես եկել հայտարարությամբ՝ հույս հայտնելով, որ Ստամբուլի Սուրբ Սոֆիա տաճարի ներկայիս թանգարանային կարգավիճակը չի փոխվի և եկեղեցին չի վերածվի մզկիթի:
Հիշեցնենք, որ Թուրքիայի նախագահ Ռեջեփ Թայիփ Էրդողանը հրահանգել է Ստամբուլում գտնվող բյուզանդական նշանավոր Սուրբ Սոֆիայի (Այա Սոֆիա) տաճարը վերածել մզկիթի՝ զրկելով թանգարանի կարգավիճակից։ Երբեմնի քրիստոնեական հռչակավոր տաճարը Թուրքիայի կառավարության որոշմամբ՝ 1934 թվականին էր ստացել թանգարանի կարգավիճակ։ Սուրբ Սոֆիայի տաճարը 1985թ․-ին գրանցվել է ՅՈւՆԵՍԿՕ-ի (UNESCO) համաշխարհային մշակույթային ժառանգության ցանկում:
Հետևեք մեզ տելեգրամում
