ԱՄՆ նախագահ Դոնալդ Թրամփը ստորագրել է երկու հրամանագիր, որոնք վերաբերում են ծննդով քաղաքացիություն ստանալու իրավունքի սահմանափակմանը և այսպես կոչված ծննդաբերական տուրիզմի դեմ պայքարին։
Ըստ BBC.com-ի՝ առաջին հրամանագրով արգելվում է օտարերկրյա կանանց մուտքը ԱՄՆ՝ երեխա ունենալու և նրա համար ավտոմատ կերպով ԱՄՆ քաղաքացիություն ապահովելու նպատակով: Հրամանը վերաբերում է նաև նմանատիպ նպատակով փոխնակ մայրության պայմանավորվածություններին։
Երկրորդ հրամանագիրը ընդլայնում է այն անձանց ցանկը, որոնց երեխաները չեն կարողանա ստանալ ԱՄՆ քաղաքացիություն ծննդյան պահից։ Դիվանագետների և միջազգային կազմակերպությունների աշխատակիցների երեխաներից բացի, սահմանափակումները վերաբերում են նաև Վաշինգտոնի կողմից թշնամական համարվող երկրների քաղաքացիների երեխաներին, ինչպես նաև ահաբեկչական կազմակերպությունների հետ կապված անձանց։
Ավելին, Թրամփը Պետդեպարտամենտին և անվտանգության նախարարությանը հանձնարարել է բացահայտել և ճնշել «ծննդաբերական տուրիզմի» սխեմաները։ Սպիտակ տունը հայտարարել է, որ նման սխեմաները թույլ են տալիս մարդկանց շրջանցել ԱՄՆ ներգաղթի օրենքները։
Հետևեք մեզ տելեգրամում
