Ռուսաստանի Վորոնեժի մարզում անօդաչու թռչող սարքերի հարձակման հետևանքով մեկ մարդ զոհվել է, ևս երկուսը վիրավորվել են։ Բեկորների ընկնելու հետևանքով երկու պահեստում հրդեհներ են բռնկվել։ Այս մասին հայտնել է մարզի նահանգապետ Ալեքսանդր Գուսևը, փոխանցում է «Interfax»-ը։
Գուսևի խոսքով՝ գիշերվա ընթացքում Վորոնեժի և մարզի հինգ շրջանների երկնքում հակաօդային պաշտպանության ուժերը հայտնաբերել և ոչնչացրել են 15 անօդաչու թռչող սարք։ Նրա հաղորդմամբ՝ Նովոուսմանսկի շրջանում 49-ամյա տղամարդը ծանր վիրավորվել է բեկորների ընկնելու հետևանքով և մահացել հիվանդանոցում։ Եվս երկու մարդ վիրավորվել է և տեղափոխվել հիվանդանոց։
Բացի այդ, բեկորների ընկնելու հետևանքով նույն շրջանում հրդեհներ են բռնկվել «Wildberries» ընկերության երկու պահեստներում։ Դրանցից մեկում հրդեհը տարածվել է 16 հազար քառակուսի մետր տարածքում, իսկ մյուս պահեստում 20 հազար քառակուսի մետր։
Հետևեք մեզ տելեգրամում
