ԱՄԷ նախագահի դիվանագիտական հարցերով խորհրդական Անվար Գարգաշը հայտարարել է, որ Մերձավոր Արևելքը չի կարող անորոշ ժամանակով մնալ «ոչ պատերազմ, ոչ խաղաղություն» վիճակում։
Նրա խոսքով՝ տարածաշրջանի համար անհրաժեշտ է հասնել կայունության, որը հիմնված կլինի հստակ և ընդհանուր կանոնների վրա։ Գարգաշը նշել է, որ երկարաժամկետ կարգավորումը պետք է հիմնված լինի խաղաղ գոյակցության, պետությունների ինքնիշխանության հարգման և խաղաղության սկզբունքի վրա։
Հիշեցնենք, որ ԱՄՆ-ն և Իրանը հունիսին հրադադարի պայմանավորվածություն էին ձեռք բերել, սակայն հետագայում իրավիճակը կրկին սրվել է։ Այժմ Վաշինգտոնը և Թեհրանը փորձում են վերադառնալ ավելի վաղ ձեռք բերված համաձայնության շուրջ բանակցություններին, սակայն մի շարք հարցեր դեռևս մնում են չլուծված։
Հետևեք մեզ տելեգրամում
