ԱՄՆ նախագահ Դոնալդ Թրամփը հայտարարել է, որ Միացյալ Նահանգները լիակատար վերահսկողություն ունի Հորմուզի նեղուցի նկատմամբ։ Այս մասին նա գրել է Truth Social սոցիալական հարթակում։
«ԱՄՆ-ն լիակատար վերահսկողություն ունի Հորմուզի նեղուցի նկատմամբ։ Կարծում եմ՝ մենք այն կպահենք»,- հայտարարել է Թրամփը։
Նրա խոսքով՝ ԱՄՆ-ի ռազմածովային շրջափակումը «բոլորն անվանում են «պողպատե պատ»», և Իրանը ոչինչ չի կարող անել դրա դեմ։
Նշենք, որ Հորմուզի նեղուցի շուրջ իրավիճակը շարունակում է լարված մնալ ԱՄՆ-ի և Իրանի միջև հակամարտության ֆոնին։ Իրանը հայտարարել է, որ նեղուցը չի վերաբացի, քանի դեռ Վաշինգտոնը չի ընդունել իր առաջադրած պայմանները։
Հորմուզի նեղուցը համաշխարհային էներգակիրների մատակարարման կարևորագույն ծովային ուղիներից է։ Դրա շուրջ ստեղծված իրավիճակն արդեն զգալի ազդեցություն է ունեցել նավթի համաշխարհային շուկայի վրա։
Հետևեք մեզ տելեգրամում
