Վրաստանի ներքին գործերի նախարարությունը հերքել է ռուսական որոշ լրատվամիջոցներում և սոցիալական ցանցերում տարածված տեղեկությունները, թե վերջին 24 ժամվա ընթացքում Վերին Լարսի անցակետով ռուս-վրացական սահմանն անցել է ավելի քան 20 հազար ՌԴ քաղաքացի:
Վրացական ուժային գերատեսչությունը հայտարարել է, որ որոշակի շահագրգիռ կողմեր դիտավորյալ ապատեղեկատվություն են տարածում հանրության շրջանում:
Պաշտոնական պարզաբանման համաձայն՝ վերջին 24 ժամվա ընթացքում Լարսի մաքսային անցակետով Վրաստան է մուտք գործել տարբեր երկրների 7880 քաղաքացի, իսկ նույն ժամանակահատվածում նույն անցակետով երկիրը լքել է 8406 քաղաքացի:
Հետևեք մեզ տելեգրամում
