ԱՄՆ ԶՈւ «USS George Washington» ավիակիրը ժամանել է Մերձավոր Արևելք՝ փոխարինելու «USS Abraham Lincoln» ռազմանավին: Այս մասին պաշտոնապես հաստատել է ԱՄՆ զինված ուժերի Կենտրոնական հրամանատարությունը:
Ռոտացիան իրականացվում է USS Abraham Lincoln ավիակրի անձնակազմի հոգեբանական ծանր վիճակի և մատակարարումների խնդիրների մասին ահազանգերի ֆոնին։ Ավիակիրը 2026թ. հունվարից ի վեր ծառայություն էր իրականացնում Արաբական ծովում, և ըստ շրջանառվող լուրերի՝ անձնակազմի անդամների շրջանում անգամ ինքնասպանության փորձեր են եղել, իսկ նավի վրա ջրի և սննդի պակաս կար:
ԱՄՆ պաշտոնյաներից մեկը CNN-ին հայտնել է, որ «George Washington» ավիակիր խումբը Մերձավոր Արևելք է ուղևորվել օգոստոսի 5-ին Վիետնամ կատարած նավահանգստային այցից հետո: Նա հավելել է, որ ռազմանավերի այս փոխարինումը նախապես պլանավորված է եղել:
Այնուամենայնիվ, «George Washington»-ի վերատեղակայումը Մերձավոր Արևելք ռազմավարական նոր իրավիճակ է ստեղծում. դրա հետևանքով Միացյալ Նահանգները Խաղաղ օվկիանոսի տարածաշրջանում ժամանակավորապես մնում է առանց որևէ ավիակրի:
Հետևեք մեզ տելեգրամում
