Բիշքեկում այսօր տեղի է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Այս մասին հայտնել է ՀՀ վարչապետի խոսնակը։
Հանդիպման այլ մանրամասներ առայժմ չեն հաղորդվում։ Փաշինյանը հանդիպումից կարճ տեսանյութ է հրապարակել իր ֆեյսբուքյան էջում։
Հանդիպմանը մասնակցել են նաև Հայաստանի և Ադրբեջանի փոխվարչապետներ Մհեր Գրիգորյանն ու Շահին Մուստաֆաևը, արտգործնախարարներ Արարատ Միրզոյանն ու Ջեյհուն Բայրամովը, Հայաստանի անվտանգության խորհրդի քարտուղար Ալեն Սիմոնյանը և Ադրբեջանի նախագահի արտաքին հարաբերությունների գծով խորհրդական Հիքմեթ Հաջիևը։
Փաշինյանն ու Ալիևը Ղրղզստանի մայրաքաղաք են մեկնել՝ մասնակցելու Շանհայի համագործակցության կազմակերպության գագաթնաժողովի «ՇՀԿ+» հանդիպմանը և դրա շրջանակում նախատեսված միջոցառումներին։
Բիշքեկում Փաշինյանը նախատեսում է նաև հանդիպել Ռուսաստանի նախագահ Վլադիմիր Պուտինի հետ։ Սա Հայաստանի խորհրդարանական ընտրություններից հետո Փաշինյանի և Պուտինի առաջին հանդիպումը կլինի։
Հետևեք մեզ տելեգրամում
