Վրաստանի վարչապետի խորհրդական Իրակլի Չիքովանիի հայտարարությամբ՝ առաջիկայում, ամենայն հավանականությամբ հուլիսի 15-ից, կվերականգնվեն ներքին չվերթները:
«Կվերականգնվեն ներքին չվերթները, որոնք մեր քաղաքացիներին հնարավորություն կտան ավելի հեշտ և արագ ժամանել այն վայրերը, որոնք հեռու են գտնվում մայրաքաղաքից, կամ նրանց բնակավայրերից: Մոտ ապագայում չվերթները կվերականգնվեն»,- հայտարարել է Չիքովանին:
Ինչպես հայտնի է՝ միջազգային չվերթները Վրաստանում չեն վերականգնվի մինչև հուլիսի 31-ը. կիրականացվեն միայն չարտերային չվերթներ: Հաղորդվում է, որ հուլիսին նշանակվել է 4 հատուկ չվերթ Վրաստանի քաղաքացիներին հայրենիք վերադարձնելու համար:
Հետևեք մեզ տելեգրամում
