Իրանի արտգործնախարար Մուհամմեդ Ջավադ Զարիֆը հայտարարել է, որ Սպիտակ տան հաջորդ ղեկավարությունը պետք է փոխհատուցի ԱՄՆ-ի կողմից Իրանին հասցված վնասները։
«Մեզ համար կարևոր չէ, թե ով կհաղթի ԱՄՆ-ի հաջորդ ընտրություններում, բայց մեզ համար կարևոր է, որ Վաշինգտոնը ուղղի Թեհրանի նկատմամբ իր մոտեցումը», – հայտարարել է Զարիֆը։
Իրանի նախարարը նշել է, որ ով էլ ստանձնի Սպիտակ տան ղեկավարի պաշտոնը, պետք է քայլեր ձեռնարկի՝ ամերիկյան պատժամիջոցների արդյունքում Իրանին հասցված վնասները փոխհատուցելու համար։
Զարիֆը կրկին հայտարարել է, որ ԱՄՆ-ի ներկայիս իշխանությունները Իրանի նկատմամբ տնտեսական ահաբեկչություն են իրականացնում։ Նա նաև հերքել է այն պնդումը, թե Իրանի նկատմամբ բժշկական ոլորտում պատժամիջոցներ չեն կիրառվում։ Զարիֆի խոսքով՝ Իրանը չի կարողանում դեղանյութեր և բժշկական սարքավորումներ ձեռք բերել, քանի որ միջազգային բանկերը հրաժարվում են գգործարքներ կատարել Իրանի կառավարության ու իրանական ընկերությունների հետ։
Հետևեք մեզ տելեգրամում
