Բեյրութում բախումներ ուժայինների և ցուցարարների միջև․ կան տուժածներ

Օգոստոսի 11-ին Լիբանանի բանակի և ոստիկանության հատուկջոկատայինները Բեյրութի կենտրոնական հատվածից դուրս են արել բողոքի ակցիայի մասնակիցներին:

Նշվում է, որ բախումների հետևանքով երկու կողմերից 42 մարդ է տուժել, նրանցից 10-ը հոսպիտալացվել է, իսկ մյուսներին բուժօգնություն է տրամադրվել տեղում: Ուժայիններն արցունքաբեր գազ և ռետինե փամփուշտներ են օգտագործել այն բանից հետո, երբ բողոքի ցույցի ագրեսիվ տրամադրված ակտիվիստներն իրենց ուղղությամբ քարեր են նետել:

Ավելի վաղ Բեյրութում ընդդիմադիր շարժման ակտիվիստները գրոհել էին Օմարի մզկիթից դեպի Պլաս Էտուալ հրապարակում գտնվող խորհրդարանական պալատ տանող ճանապարհին տեղակայված մետաղական և բետոնե արգելապատնեշները: