Լիբանանի փրկարարները կենդանության նշաններ են նկատել Բեյրութի շենքերի փլատակների տակ: Սենսորները փլատակների տակ ֆիքսել են ենթադրյալ սրտի բաբախյուն և շնչառություն: Փրկարարները վերսկսել են որոնողական աշխատանքները:
«Սարքավորումները ցույց են տալիս, որ տեղում կա սրտի բաբախ, իսկ շունը՝ դի: Մենք այժմ շարունակում ենք որոնումները»,-ասել է աղետի վայրում աշխատող կամավորը:
Հիշեցնենք, որ օգոստոսի 4-ին Բեյրութի նավահանգստում ուժգին պայթյուն էր տեղի ունեցել, որը խլել էր 191 մարդու կյանք: Պայթյունի պատճառը նավահանգստի պահեստներում պահվող 2750 տոննա ամոնիումի նիտրատն էր: Համաշխարհային բանկի գնահատմամբ՝ Լիբանանի մայրաքաղաքին պատճառվել է 3,8-4,6 մլրդ դոլարի վնաս:
Հետևեք մեզ տելեգրամում
