Գյումրին 1 մլն դրամ աջակցություն կտրամադրի լիբանանահայերին

Գյումրին Բեյրութում տեղի ունեցած պայթյունի հետանքով տուժած Լիբանանի հայ համայնքին կհատկացնի 1 մլն դրամ աջակցություն: Նման որոշում է կայացրել քաղաքի ավագանին: Գումարը կտրամադրվի «Հայաստան» համահայկական հիմնադրամին որպես նվիրատվություն, որն էլ իր հերթին կուղղի այդ նպատակին:
«Սա այն դեպքն է, որ բոլորս միաձայն կողմ ենք աջակցելուն: Նույնիսկ 1 մլն  դրամն է քիչ, բայց մեր բյուջեն հիմա այս հնարավորությունն ունի, եթե կարողացանք այդ գումարն էլի կավելացնենք»,-ասաց Գյումրու քաղաքապետ Սամվել Բալասանյանը: