Իրանը լայնամասշտաբ զորավարժություններ կանցկացնի երկրի հարավային ջրերում, հայտարարել է Իրանի բանակի հրամանատարի տեղակալ Հաբիբոլլահ Սայյարիին:
Եռօրյա զորավարժություններին ներգրավված են լինելու ինչպես ծովային, այնպես էլ հակաօդյաին պաշտպանության, օդային, ցամաքային ուժերը: Հեռահար անօդաչու թռչող սարքերը պարեկային և հետախուզական գործողություններ են իրականացնելու, մասնակցելու են թշնամու նավերի դեմ պայքարին՝ «խելացի ռումբեր» նետելով բարձր ճշգրտությամբ:
«Զորավարժությունների նպատակն է Արևմտյան Ասիայում բարձրացնել տարածաշրջանային ջրերի ու միջազգային բեռնափոխադրման ուղիների անվտանգությունը և պատրաստվել հետ մղել անդրտարածաշրջանային սպառնալիքները»,-նշել է Սայյարիին:
Զորավարժությունները կընդգրկեն 2 միլիոն քառակուսի կմ տարածք ՝ Հորմուզի նեղուցը, Մակրանի ափերը, Օմանի ծոցը և Հնդկական օվկիանոսը:
Հետևեք մեզ տելեգրամում
