Սեպտեմբեր 9-ին Ն.Ս.Օ.Տ.Տ. Արամ Ա. Վեհափառ Հայրապետն ընդունել է «Հայաստան» համահայկական հիմնադրամի տնօրեն Հայկակ Արշամյանին և Լիբանանում Հայաստանի Հանրապետության դեսպան Վահագն Աթաբեկյանին։
Հանդիպմանն առիթ եղավ անդրադառնալու մեկ ամիս առաջ Բեյրութի նավահանգիստում տեղի ունեցած պայթյունին և Հայաստանի Հանրապետության կողմից Լիբանանի ժողովրդին ու հատկապես հայ համայնքին տրամադրված օգնությանը:
Վեհափառ Հայրապետը ընդհանուր ներկայացրեց պայթունից հետո գաղութի վիճակը, ինչպես նաև տարվող աշխատանքները։ Կաթողիկոսը գնահատեց «Հայաստան» համահայկական հիմնադրամի կողմից Լիբանանի և Սիրիայի հայ համայնքներին տրամադրված օժանդակությունները և մարդասիրական առաքելությունը։
Հայտնենք, որ հիմնադրամին կատարած օժանդակությունները պետք է տրամադրվեն Լիբանանի և Սիրիայի հայ համայնքների բոլոր հայկական դպրոցների ուսուցիչներին և անձնակազմին՝ որպես նվեր։ Իսկ Սիրիայի դեպքում, օժանդակություն պիտի հատկացվի նաև կորոնավիրուսի հիվանդությամբ Սիրիայում ստացիոնար բուժում ստացող մեր հայրենակիցներին:
Հետևեք մեզ տելեգրամում
