ԱՄՆ պետքարտուղարությունը հայտարարություն է տարածել Լեռնային Ղարաբաղի հակամարտության գոտու շփման երկայնքով լայնամասշտաբ ռազմական գործողությունների վերաբերյալ:
«ԱՄՆ-ն անհանգստացած է Լեռնային Ղարաբաղի հակամարտության գոտու շփման գծի երկայնքով լայնամասշտաբ ռազմական գործողությունների մասին հաղորդագրություններից, որոնք հանգեցրել են զգալի զոհերի, այդ թվում ՝ խաղաղ բնակիչների շրջանում: Մենք ցավակցում ենք զոհվածների և վիրավորների ընտանիքներին:
ԱՄՆ խստորեն դատապարտում է բռնության այս սրացումը: Քարտուղարի տեղակալ Բիգունը զանգել է ՀՀ ԱԳ նախարար Զոհրաբ Մնացականյանին և Ադրբեջանի ԱԳ նախարար Ջեյհուն Բայրամովին՝ կողմերին կոչ անելով անհապաղ դադարեցնել ռազմական գործողությունները, օգտագործել հաղորդակցության ուղիղ խողովակները՝ հետագա սրացումից խուսափելու համար, ինչպես նաև խուսափել անօգուտ հռետորաբանությունց, գործողություններից, որոնք կարող են տեղում էլ ավելի սրացնել լարվածությունը:
ԱՄՆ-ն հավատում է, որ արտաքին կողմերի մասնակցությունը բռնության սրացմանն անօգուտ է և միայն կսրի տարածաշրջանային լարվածությունը: Մենք կողմերին կոչ ենք անում աշխատել ԵԱՀԿ ՄԽ-ի հետ՝ հնարավորինս շուտ առարկայական բանակցություններին վերադառնալու համար: Որպես ԵԱՀԿ ՄԽ համանախագահող երկիր՝ ԱՄՆ-ն հավատարիմ է կողմերին օգնելու հասնելու հակամարտության խաղաղ և կայուն կարգավորմանը»,-նշված է հայտարարության մեջ:
Հետևեք մեզ տելեգրամում
