ԵԱՀԿ ՄԽ հայտարարություն է տարածել, որում համանախագահներն Ադրբեջանի ու Հայաստանի ղեկավարներին կոչ են արել անհապաղ քայլեր ձեռնարկել հոկտեմբերի 10-ին Մոսկվայի համատեղ հայտարարության բոլոր ասպեկտները կյանքի կոչելու ուղղությամբ `իրենց ստանձնած պարտավորություններին համապատասխան, որը վերահաստատել էին հոկտեմբերի 18-ին:
Ինտենսիվ քննարկումների ընթացքում համանախագահները և ԱԳ նախարարները քննարկել են հումանիտար հրադադարի կիրառումը, մոնիթորինգի համար հրադադարի հնարավոր չափանիշները և համապարփակ լուծման բովանդակային տարրերը՝ համաձայն հոկտեմբերի 10-ի համատեղ հայտարարության։
Համանախագահները և ԱԳ նախարարները համաձայնվել են կրկին հանդիպել հոկտեմբերի 29-ին Ժնևում՝ քննարկելու, համաձայնության հասնելու և համաձայնեցվելիք ժամանակացույցին համապատասխան իրագործելու բոլոր անհրաժեշտ քայլերը՝ ԼՂ հակամարտության խաղաղ կարգավորման համար՝ հիմնվելով Ադրբեջանի և Հայաստանի ղեկավարների համար ընդունելի սկզբունքների վրա:
Հետևեք մեզ տելեգրամում
