Իրաքում ձերբակալվել է Աբու Բաքըր Ալ- Բաղդադիի տեղակալը

Իրաքի Քիրքուք քաղաքում իրավապահ մարմինները ձերբակալել են «Իսլամական պետություն» (ԻՊ) ահաբեկչական կազմակերպության սպանված առաջնորդ Աբու Բաքըր Բաղդադիի տեղակալին, ով հայտնի էր Աբու Հալդուն անվամբ։ Ըստ տեղեկությունների` բացի Ալ- Բաղդադիի տեղակալը լինելուց,  նա նաև համարվում էր Իրաքի Սալահ Էդ Դին նահանգի ԻՊ-ի պատասխանատուն։

Նրան գտել էին բնակարանում, որը վարձակալվել էր նրա կողմից։ Ահաբեկչի մոտ հայտնաբերվել էր կեղծ անձնագիր։  

Հիշեցնենք, որ հոկտեմբերի 27-ին ԱՄՆ ԶՈՒ-ի կողմից Սիրիայի հյուսիսում իրականացված հատուկ գործողության արդյունքում սպանվել էր ԻՊ առաջնորդ Աբու Բաքր ալ-Բաղդադին: Նրա հետ սպանվել էին նաև նրա 2 կանայք։