ԱՄՆ-ը պնդում Է, որ Իրանը գաղտնաբար փոքր հեռահարության հրթիռներ Է տեղափոխում հարևան Իրաքի տարածք, որտեղ արդեն երկու ամիս Է, ինչ շարունակվում են ցույցերը:Այդ մասին հայտնել Է «New York Times» թերթը:
Հրատարակության աղբյուրների համաձայն՝ Իրանն «օգտվել Է» Իրաքում «շարունակվող քաոսից», որպեսզի փոքր հեռահարության հրթիռների գաղտնի զինանոց կազմակերպի երկրում՝ «փորձելով ահաբեկել Մերձավոր Արևելքը և այնտեղ հաստատել իր իշխանությունը»:
Նրանք պնդում են, որ այդ հրթիռները սպառնալիք են ներկայացնում տարածաշրջանում ԱՄՆ-ի դաշնակիցների և գործընկերների, ներառյալ Իսրայելի և Սաուդյան Արաբիայի համար, ինչպես նաև կարող են սպառնալ տարածաշրջանում գտնվող ամերիկյան զորքերին:
ԱՄՆ-ի հետախուզության ներկայացուցիչները հայտարարում են, որ այդ հրթիռները տեղափոխելու և թաքցնելու համար Իրանն օգտագործում Է Իրաքում շիաների զինված կազմավորումները, հաղորդել Է «ՌԻԱ Նովոստին»:
Հետևեք մեզ տելեգրամում
