ՌԴ ԱԳՆ-ում «Տասս» գործակալությանը աղբյուրը հայտնել է, որ Ռուսաստանին հասկանալի չէ Իլհամ Ալիևի հուզական արձագանքը Լեռնային Ղարաբաղում օտարերկրյա վարձկանների մասին Սերգեյ Լավրովի խոսքերին:
«Միգուցե Ադրբեջանի նախագահի օգնականները նրան ցույց են տվել ուրիշի նյութեր կամ ներկայացրել են իրենց սեփական մեկնաբանությունը… Լավրովի մեկնաբանություններում նախատինք չկա ոչ Ադրբեջանի, ոչ էլ որեւէ այլ երկրի հասցեին, խոսքը մեր ծայրահեղ մտահոգության մասին է՝ կապված վարձկան գրոհայինների մուտքի հետ Անդրկովկասի տարածաշրջան, որի անմիջական հարևանն է Ռուսաստանի Դաշնությունը: Այս կապակցությամբ կխնդրեինք մեր ադրբեջանցի ընկերներին ավելի ուշադիր լինել սկզբնաղբյուրներին ծանոթանալիս… Ռուսաստանը միշտ առավելագույն զգուշությամբ է մոտեցել բարեկամ երկրների համար շատ զգայուն հակամարտությունում միջնորդի իր դերին: Նախագահ Ալիևը բազմիցս ինքն է հայտարարել այդ մասին: Մենք վերահաստատում ենք մեր հավատարմությունը Լեռնային Ղարաբաղի հակամարտության խաղաղ, քաղաքական և դիվանագիտական կարգավորմանը: Միևնույն ժամանակ, մենք համոզված ենք, որ վարձկան գրոհայինների ներթափանցումը Անդրկովկաս սպառնում է տարածաշրջանի բոլոր երկրների, այդ թվում՝ Ադրբեջանի և Ռուսաստանի կայունությանը և անվտանգությանը», -ասել է աղբյուրը:
Հետևեք մեզ տելեգրամում
