Եթե Հայաստանն ու Ադրբեջանը ձերբակալվածների փոխանակման շուրջ համաձայնության գան, ապա Ռուսաստանը կաջակցի նրանց: Այս մասին հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան:
Մարիա Զախարովան նշել է, որ ձերբակալվածների փոխանակումը մշտապես գտնվում է բանակցությունների օրակարգում:
«Մասնավորապես, այդ թեմային էր նվիրված Մոսկվայում այս տարվա ապրիլին Հայաստանի և Ադրբեջանի արտաքին գործերի նախարարների հանդիպումը: Այդ հանդիպման ընթացքում կողմերը պայմանավորվել են փոխադարձ հիմքով միջոցներ ընդունել երկրների տարածքում ձերբակալված անձանց մոտ հարազատներին թողնելու համար»,- ասել է նա:
«Մենք ողջունում ենք այդ չափազանց կարեւոր ակցիան և այն դիտարկում ենք որպես առաջին քայլ, որն ուղղված է ձերբակալված անձանց ճակատագրի թեթևացմանը: Կարող եմ ասել, որ այլ ձերբակալվածների հարցով աշխատանք է տարվում: Եթե համաձայնություն ձեռք բերվի, ապա մենք դրան կաջակցենք»,- նշել է Զախարովան:
Հետևեք մեզ տելեգրամում
