2019թ․ հոկտեմբերին Թուրքիայի ներխուժումից առաջ Սիրիայի ռազմաբազաները լքած Ամերիկյան զորքերը վերադառնում են Սիրիա։
ԱՄՆ-ը հատկապես ուժեղացնում է իր դիրքերը Սիրիայի հյուսիսարևելյան հատվածում՝ Թուրքիայի և Իրաքի հետ սահմանի հարևանությամբ, որտեղ նաև նավթահանքեր կան։ Հայտնի է, որ ամերիկյան զորքերը արդեն տեղակայվել են մասնավորապես Հասեկե քաղաքում գտնվող 5 ռազմաբազաներում։ Ընդհանուր առմամբ այս պահին ԱՄՆ-ը Սիրիայում 11 ռազմաբազա է ղեկավարում։
Թուրքիայի նախագահ Ռեջեփ Թայիփ Էրդողանը 2019թ․ հոկտեմբերի 9-ին հայտարարել էր Սիրիայի հյուսիսում «Խաղաղության աղբյուր» կոչվող ռազմագործողության մեկնարկի մասին, որն ուղղված էր Թուրքիայում ահաբեկչական խմբավորում համարվող «Քուրդիստանի բանվորական կուսակցության» (ՔԲԿ-PKK) և «Իսլամական պետություն» (ԻՊ-DEAŞ) ահաբեկչական խմբավորման դեմ։
Ռազմագործողության մեկնարկից առաջ ԱՄՆ-ը դուրս էր բերել իր զորքերը Սիրիայի հյուսիսից՝ հայտարարելով, որ մտադիր չէ մասնակցել Թուրքիայի ծրագրած գործողություններին։
Հետևեք մեզ տելեգրամում
