Սաուդյան Արաբիան, հնարավոր է, Իդ ալ-Ֆիտր տոնից հետո, որն ազդարարում է Ռամադան ամսվա ավարտը (այս տարի մայիսի 13-ին), վերաբացի Դամասկոսում իր դեսպանությունը: Այս մասին հայտնել է Rai Al Youm թերթը:
Թերթի տվյալներով՝ դիվանագիտական ներկայացուցչության բացման արարողությանը ներկա կլինի թագավորության ԱԳ նախարար Ֆեյսալ բեն Ֆարհան ալ-Սաուդի գլխավորած պատվիրակությունը:
Պարբերականի պնդմամբ՝ 10 տարվա դադարից հետո երկու երկրները հարաբերությունները կարգավորելու մասին համաձայնության են հասել մայիսի 3-ին, երբ Սաուդյան Արաբիայի հետախուզության պետը հանդիպել էր Սիրիայի նախագահ Բաշար Ալ-Ասադին և Սիրիայի ազգային անվտանգության բյուրոյի պետին:
Նշենք, որ ԱՄԷ-ն Դամասկոսում իր դեսպանությունը վերաբացել էր 2018թ. դեկտեմբերի 27-ին:
Հետևեք մեզ տելեգրամում
