ՄԱԿ գլխավոր քարտուղար Անտոնիո Գուտերեշը խորը անհանգստություն է հայտնել Արևելյան Երուսաղեմում շարունակվող բռնությունների կապակցությամբ և Իսրայելի իշխանություններին կոչ արել դադարեցնել պաղեստինցիների վտարումը մի շարք շրջաններից: Այս մասին ասվում է գլխավոր քարտուղարի պաշտոնական ներկայացուցիչ Ստեֆան Դյուժարիկի հայտարարության մեջ:
«Գլխավոր քարտուղարը խորը մտահոգություն է հայտնել օկուպացված Արևելյան Երուսաղեմում շարունակվող բռնության, ինչպես նաև պաղեստինցի ընտանիքների՝ Շեյխ Ջարրա և Սիլվան բնակավայրերից հնարավոր վտարման կապակցությամբ: Նա Իսրայելի իշխանություններին կոչ է անում դադարեցնել շենքերի քանդումը և բնակիչների վտարումը՝ հետևելով միջազգային հումանիտար և մարդու իրավունքներին»,-հայտարարել է Դյուժարիկը:
Հետևեք մեզ տելեգրամում
