Վարչապետ Իրակլի Ղարիբաշվիլին, մեկնաբանելով Թբիլիսիի կենտրոնում ընթացող ակցիաները ու «Ռիոնիի կիրճի պաշտպանների» պահանջները, նշել է, որ վերջնագրերով խոսելը մութ 90-ականներն է հիշեցնում:
Վարչապետի խոսքով, իշխանություններն ամեն ինչ արել են Ռիոնի կիրճում ՀԷԿ-ի նախագծի մասին բնակչությանն օբյեկտիվորեն տեղեկացնելու համար:
«Մենք փորձել ենք առավելագույնը տեղեկացնել մեր քաղաքացիներին: Այդ պատրաստակամությունը եղել է, կա և կլինի մեր կողմից: Մենք նաև առաջարկել ենք երկխոսության հարմար ձևաչափ: Մեր կողմից ձեռնարկվել են բազմաթիվ փորձել, այդ թվում իմ անձնական ներկայացուցիչը և նահանգապետը, բոլոր նախարարները գործել են և գործում են: Բացի այդ, հիշեցնեմ, որ մենք հրավիրել էինք ԵՄ հատուկ ներկայացուցչին, որը ևս մեկ անգամ մանրամասն ուսումնասիրեց նախագծի բոլոր դետալները, դրա հետևանքները շրջակա միջավայրի վրա»,-ասել է Ղարիբաշվիլին:
Նշենք, որ «Ռիոնիի կիրճի պաշտպանները» մինչև մայիսի 24-ի կեսօր ժամանակ էին տվել իշխանություններին՝ պահանջելով չեղարկել թուրքական «Էնկա» ընկերության հետ պայմանագիրը, 2015 թվականից արված թղթաբանությունը, պատասխանատվության ենթարկել նախագծում ուղղակիորեն ներգրավված պաշտոնյաներին, այդ թվում նախկին վարչապետ Գրիգորի Գախարիային, ինչպես նաև Էկոնոմիկայի ու կայուն զարգացման նախարար Տուրնավայի հրաժարականը:
Հետևեք մեզ տելեգրամում
