Հունիսի 13-ի երեկոյան Իսրայելի խորհրդարանը վստահություն է հայտնել Իսրայելի նոր կառավարությանը: Այն երկու տարի ղեկավարելու է Նաֆթալի Բեննեթը, որից հետո վարչապետի մանդատը կանցնի «Յեշ ատիդ» կուսակցության առաջնորդ Յաիր Լապիդին: 49-ամյա Բեննեթը ծառայել է Իսրայելի բանակի ստորաբաժանումում, այնուհետ սկսել է զբաղվել գործարարությամբ՝ տեղեկատվական անվտանգության ոլորտում: 2019-2020թթ. զբաղեցրել է Իսրայելի պաշտպանության նախարարի պաշտոնը:
Քնեսեթի նոր խոսնակ է ընտրվել «Յեշ ատիդ» կուսակցության պատգամավոր Միկի Լևին:
«Քնեսեթի 60 պատգամավոր վսհատություն է հայտնել կառավարությանը, 59-ը դեմ արտահայտվել, մեկը ձեռնպահ»,-հայտնել է Միկի Լևին:
Նոր կառավարության երդմնակալությունը վերջ կդնի 12 տարի շարունակ կառավարող Բենյամին Նեթանյահուի իշխանությանը: Խորհրդարանում ելույթի ընթացքում Նեթանյահուն չի ճանաչել այս նոր կառավարության լեգիտիմությունը:
Հետևեք մեզ տելեգրամում
