Ադրբեջանի ՊՆ-ն հայտնում է, որ Ադրբեջանի և Թուրքիայի միջև ռազմական համագործակցության մասին պայմանագրի համաձայն՝ հունիսի 28-ին Բաքվում մեկնարկել է «Մուստաֆա Քեմալ Աթաթուրք-2021» համատեղ մարտական հրաձգության մարտավարական վարժանքը:
Ադրբեջանցի և թուրք զինծառայողների մասնակցությամբ անցկացվող վարժանքի հիմնական նպատակը մարտական գործողությունների ընթացքում երկու երկրների բանակների ստորաբաժանումների փոխգործակցության կատարելագործումն է, հրամանատարների ռազմական որոշումների կայացման և ստորաբաժանումների կառավարման հմտությունների զարգացումը:
Վարժանքը կտևի մինչև հունիսի 30-ը, ներգրավված կլինի մինչև 600 անձնակազմ, շուրջ 40 տանկ և այլ զրահատեխնիկա, շուրջ 20 տարբեր տրամաչափի հրանոթ և ականանետ, 7 միավոր մարտական և տրանսպորտային ուղղաթիռ, 3 միավոր տարբեր նշանակության անօդաչու թռչող սարք, մոտ 50 մեքենա։
Հետևեք մեզ տելեգրամում
